EIERBOER

Ik bin de eierboer
mien name is Jan Smit
’k Heb een zwarte fiets
met een hele grote bak
waor wel duuzend stuks in zit
Ik bin de eierboer
goedkoop dat bin ik nie
maor twee cent meer
ach, dat mag toch wel een keer
veur een goed gesprek d’r bi’j.

DE MOLLE

(naar H. van Laar, Lutten 1924)

’t Was van de wéke
toen ik in de greppel stund
dat ik een molle
an ’t wroeten vund
Ik bleve
bi’j ’t biesien staon
um het dood te slaon

Mar ... ’t was asof
iene zee tegen mie:
“Dat dier dat dut toch
hetzelfde as ie.
Het wroet in de eerde
veur zien brood
En slao ie
het now daorumme dood?”

Ik zag licht in zien ogen,
zien duustere vacht
en die hebt mi’j op
ni’je gedachten ebracht
Want wi’j redt het best samen
hi’j en ikke;
hi’j graaft in de eerde
en ik spitte en spitte.